ՀՀ տարածքային կառավարման և ենթակառուցվածքների նախարարի տեղակալ Հակոբ Վարդանյանի և Վրաստանի էկոնոմիկայի և կայուն զարգացման նախարարի տեղակալ Ռոմեո Միկաուտաձեի գլխավորությամբ սեպտեմբերի 8-ին Թբիլիսի քաղաքում տեղի է ունեցել հայ-վրացական աշխատանքային խմբի հանդիպում, որին մասնակցել է նաև «Հաշվարկային կենտրոն» ՓԲԸ գլխավոր տնօրեն Մեսրոպ Մեսրոպյանը:

Հանդիպման ընթացքում կնքվել է Հայաստան- Վրաստան վթարային իրավիճակների դեպքում էլեկտրաէներգիայի առաքման պայմանագիրը, ինչպես նաև քննարկվել և վերջնական համաձայնության փուլում է գտնվում Հայաստան- Վրաստան առևտրային փոխանակումների դեպքում ծավալային շեղումների վերաբերյալ պայմանագիրը: