Մ. Մեսրոպյանը մասնակցել է Եվրասիական տնտեսական հանձնաժողովի Կոլեգիային կից էլեկտրաէներգետիկայի խորհրդատվական կոմիտեի 18-րդ նիստին

«Հաշվարկային կենտրոն» ՓԲԸ գլխավոր տնօրեն Մ. Մեսրոպյանը և էլեկտրաէներգիայի առևտրի կազմակերպման բաժնի պետ Կ. Խոջագուրյանը օգոստոսի 24-ից 25-ը Ղրղզստանի Հանրապետության Չոլպոն- Աթա քաղաքում մասնակցել են ԵԱՏՄ հանձնաժողովի Կոլեգիային կից էլեկտրաէներգետիկայի խորհրդատվական կոմիտեի 18-րդ նիստին:

Կողմերը քննարկել են ԵԱՏՄ ընդհանուր էլեկտրաէներգետիկական շուկային վերաբերող մի շարք օրակարգային հարցեր, մասնավորապես անդրադարձել ԵԱՏՄ ընդհանուր էլեկտրաէներգետիկական շուկայում միջպետական օդային գծերի թողունակության որոշման և բաշխման, ինչպես նաև էլեկտրաէներգիայի փոխադարձ առևտրի կանոնների նախագծերին:

Հանդիպման վերջում ձեռք է բերվել պայմանավորվածություն` քննարկվող թեմաների շուրջ անհամաձայնություն ունեցող հարցերը քննարկել ԵԱՏՄ նախարարների խորհրդի նիստում: