Մեսրոպ Մեսրոպյանը մասնակցել է Հայաստան-Վրաստան աշխատանքային խմբի հանդիպմանը

02/04/2024

ԱՄՆ ՄԶԳ-ի շարունակական ջանքերով ընդլայնվում են Հայաստանի և Վրաստանի միջև էլեկտրաէներգիայի միջպետական առևտրի հնարավորություններն՝ էներգետիկ անվտանգությունն ամրապնդելու, մաքուր ու կայուն էներգիայի օգտագործումն ապագայում խթանելու նպատակով:

Վերջերս, ԱՄՆ ՄԶԳ Հայաստանի էներգետիկ անվտանգության ծրագիրը հյուրընկալել էր միջպետական առևտրի և էլեկտրաէներգետիկական շուկայի զարգացումներին նվիրված հանդիպում։ Հայաստան - Վրաստան համատեղ աշխատանքային խումբը հանդիպման շրջանակներում քննարկեց շուկայի ազատականացման ընթացիկ բարեփոխումները, էլեկտրաէներգիայի մատակարարման պայմանագրերը և համագործակցությունը խթանող այլ նախագծեր:

ԱՄՆ ՄԶԳ-ն ակտիվորեն աջակցում է Հայաստանին էլեկտրաէներգիայի առևտրի ծավալները Վրաստանի հետ մեծացնելու հարցում՝ նպաստելով վերականգնվող էներգիայի զարգացմանը, տնտեսական աճին, ինչպես նաև էներգետիկ անվտանգության ամրապնդմանը:

Նյութը՝ USAID Armenia